Sunday, 13 February 2011

കവിത

കാറ്റിലൂടെ

1
കടൽ കരയിലേക്കെറിഞ്ഞ
വിയർപ്പുഗന്ധമുള്ള കാറ്റ്
വിട്ടുകിട്ടിയ ശൂന്യതയിലൂടെ
ഇഴഞ്ഞലയുന്നു.
വിലക്കപ്പെട്ട കനികളുടെ വൃക്ഷത്തെ
ഊതിക്കുലുക്കുന്ന കാറ്റ്
പെർഫ്യൂം പൂശി
നടന്നു പോകുന്നവർക്കു പുറകെ
പറന്നു പോകുന്നു.

2
രണ്ടുപേർ ചുംബിക്കുമ്പോൾ
കൈമാറുന്ന രഹസ്യങ്ങൾ
ഒരു കാറ്റിലും പരസ്യമാകില്ലെന്ന ഉറപ്പിൽ
ദീർഘചുംബനങ്ങൾക്കൊടുവിലവർ
ദീർഘനിശ്വാസക്കാറ്റിനെ അഴിച്ചുവിടുന്നു.
പറഞ്ഞു പഴകിയ
വായ്‌നാറ്റവാക്കുകളുമായി ആ കാറ്റ്
വായകൾ തോറും കയറിയിറങ്ങുന്നു.

3
പൊടിക്കാറ്റിൽ
പുകമണങ്ങളിൽ
നഗരങ്ങളിലലഞ്ഞെത്തുന്ന
കാറ്റിനെ ഫാനാൽ കറക്കി
വിശ്രമിക്കുന്നു
കാറ്റിൻ നിയമങ്ങളെ
കാറ്റിൽ പറത്തി
വീട്ടിലിരിക്കുന്നവർ.

2011

1992 ജുലൈ 21ന് വയനാട് ജില്ലയിലെ മീനങ്ങാടിയിൽ ജനനം. 'വെയിൽ' എന്ന പേരിൽ കവിതകളുടെ ചാപ്ബുക്ക് 2017ൽ പ്രസിദ്ധീകരിച്ചു. കൊച്ചിയിൽ താമസം.

Contact

Phone :

+91 8281 6654 90

Address :

SRA 286, Sahakarana Road,
Ponnurunni, Kochi - 682020

Email :

letter.sujeesh @ gmail.com