Thursday, 22 August 2019

ബിയെൻ ശിലിൻ

ഒറ്റപ്പെടൽ

ഒറ്റപ്പെടൽ ഭയന്ന് ഒരു നാടൻചെക്കൻ അവന്റെ
തലയണയ്ക്കരികിൽ ചീവീടിനെ സൂക്ഷിച്ചു.

വളർന്നുവലുതായി, നഗരത്തിൽ ജോലിയായപ്പോൾ
തിളങ്ങുന്ന വാച്ചൊരെണ്ണം അവൻ വാങ്ങി.

കുഞ്ഞായിരുന്നപ്പോൾ കല്ലറയ്ക്കരികിലെ
പുല്ലുകളോട് അവന് കുശുമ്പായിരുന്നു—
അവിടെയായിരുന്നല്ലോ ചീവീടുകളുടെ വാസം.

ഇപ്പോൾ അവൻ മരിച്ച് മണിക്കൂർ മൂന്നായിരിക്കുന്നു.
അവന്റെ വാച്ച് ടിക്-ടിക് എന്നടിച്ചുകൊണ്ടേയിരിക്കുന്നു.


ബിയെൻ ശിലിൻ (Bian Zhilin, 1910-2000): ചൈനീസ് കവിയും പരിഭാഷകനും. മിഷേൽ യേയുടെ ഇംഗ്ലീഷ് പരിഭാഷയെ അടിസ്ഥാനമാക്കിയാണ് ഈ മൊഴിമാറ്റം.
കൂടുതൽ കവിതകളുടെ മലയാള പരിഭാഷ ഇവിടെ ലഭ്യമാണ്.

1992 ജുലൈ 21ന് വയനാട് ജില്ലയിലെ മീനങ്ങാടിയിൽ ജനനം. 'വെയിൽ' എന്ന പേരിൽ കവിതകളുടെ ചാപ്ബുക്ക് 2017ൽ പ്രസിദ്ധീകരിച്ചു. കൊച്ചിയിൽ താമസം. കൂടുതൽ അറിയാം »

Contact