Saturday, 31 August 2019

റെയ്മണ്ട് കാർവർ

മുറിപ്പാട്

കണ്ണിനുമുകളിൽ രക്തക്കറയുമായിട്ടാണ്
ഞാനെഴുന്നേറ്റത്. എന്റെ നെറ്റിക്കുകുറുകെ
ഒരു മുറിപ്പാട്. പക്ഷേ ഈ ദിവസങ്ങളിലെല്ലാം
തനിച്ചാണല്ലോ എന്റെ ഉറക്കം. ഭൂമിയിൽ ഒരുത്തൻ
തനിക്കെതിരെ തന്റെതന്നെ കൈകളുയർത്തുന്നത്
എന്തിനാണ്, അതും ഉറക്കത്തിൽ?
രാവിലെ, ജനലിൽ എന്റെ മുഖം കാണവേ,
ഇതും ഇതിനു സമാനമായ കാര്യങ്ങൾക്കുമാണ്
ഞാൻ ഉത്തരം കണ്ടെത്താൻ ശ്രമിക്കുന്നത്.

റെയ്മണ്ട് കാർവർ (1938-1988): അമേരിക്കൻ ചെറുകഥാകൃത്തും കവിയും. കത്തീഡ്രൽ, വാട്ട് വീ ടോക് എബൌട്ട് വെൻ വി ടോക് എബൌട്ട് ലവ് തുടങ്ങിയ കഥാസമാഹാരങ്ങളിലൂടെ ശ്രദ്ധേയനായി. 'വേർ ഐആം കോളിംഗ് ഫ്രം' തെരഞ്ഞെടുത്ത കഥകളുടെ സമാഹാരമാണ്.  'ഓൾ ഓഫ് അസ്' എന്ന സമാഹാരത്തിൽ മുഴുവൻ കവിതകളും ഉൾപ്പെട്ടിട്ടുണ്ട്.

കൂടുതൽ മൊഴിമാറ്റങ്ങൾ ഇവിടെ നിന്നും വായിക്കാം.

1992 ജുലൈ 21ന് വയനാട് ജില്ലയിലെ മീനങ്ങാടിയിൽ ജനനം. 'വെയിൽ' എന്ന പേരിൽ കവിതകളുടെ ചാപ്ബുക്ക് 2017ൽ പ്രസിദ്ധീകരിച്ചു. കൊച്ചിയിൽ താമസം. കൂടുതൽ അറിയാം »

Contact