Sunday, 18 August 2019

റ്റൊമാസ് ട്രാൻസ്ട്രോമർ

വഴിയേ രഹസ്യങ്ങൾ

സ്വീഡിഷ് കവി
വർണ്ണാഭമായ കിനാവുകണ്ട്‌ ഉറങ്ങുന്നവന്റെ
മുഖത്ത് പകൽവെട്ടം പതിച്ചു.
അവനുണർന്നില്ല.

കഠിനവെയിലേറ്റ്, മറ്റു പലർക്കുമൊപ്പം
നടന്നുപോകുന്നവന്റെ മുഖത്ത്
ഇരുട്ട് വീണു.

പേമാരിയിലെന്നപോലെ പൊടുന്നനെ ഇരുൾ പടർന്നു.
ഓരോ നിമിഷവും അടക്കം ചെയ്ത മുറിയിൽ
ഞാൻ നിന്നു— ഒരു ശലഭ മ്യൂസിയം.

സൂര്യൻ മുമ്പെന്നപോലെ ഇപ്പോഴും കനത്തുനിന്നു.
അതിന്റെ അക്ഷമരാം ബ്രഷുകൾ
ലോകത്തിന് നിറം നൽകുകയായിരുന്നു.


: നൊബേൽ സമ്മാനജേതാവായ സ്വീഡിഷ് കവി.

റോബർട്ട് ബ്ലൈ, പാറ്റി ക്രേൻ, റോബിൻ റോബെർട്ട്സൺ, റോബിൻ ഫുൾട്ടൺ എന്നിവരുടെ ഇംഗ്ലീഷ് പരിഭാഷകളെ അടിസ്ഥാനമാക്കിയാണ് ട്രാൻസ്ട്രോമറുടെ കവിതകൾ മലയാളത്തിലേക്ക് മാറ്റിയിരിക്കുന്നത്. കൂടുതൽ കവിതകൾ ഇവിടെ നിന്നും വായിക്കാം.

1992 ജുലൈ 21ന് വയനാട് ജില്ലയിലെ മീനങ്ങാടിയിൽ ജനനം. 'വെയിൽ' എന്ന പേരിൽ കവിതകളുടെ ചാപ്ബുക്ക് 2017ൽ പ്രസിദ്ധീകരിച്ചു. കൊച്ചിയിൽ താമസം. കൂടുതൽ അറിയാം »

Contact