Wednesday, 10 June 2020

മൂന്നാമൻ ― യാന്നിസ് റിറ്റ്സോസ്

യാന്നിസ് റിറ്റ്സോസ്
യാന്നിസ് റിറ്റ്സോസ്

മൂവരും ജനലരികിലിരുന്ന് കടലിലേക്കു നോക്കി.
ഒരാൾ കടലിനെപ്പറ്റി സംസാരിച്ചു. രണ്ടാമൻ അതു കേട്ടിരുന്നു.
മൂന്നാമൻ ഒന്നും പറയുകയോ കേൾക്കുകയോ ചെയ്തില്ല; അയാൾ
കടലിന്നാഴത്തിലായിരുന്നു; ഒഴുക്കിലായിരുന്നു.
ജനൽപ്പാളികൾക്കു പിന്നിൽ, പതുക്കെയുള്ള അയാളുടെ ചലനം
നേർത്ത തെളിഞ്ഞ നീലിമയിൽ വ്യക്തം.
മുങ്ങിപ്പോയൊരു കപ്പൽ കണ്ടെടുക്കുകയായിരുന്നു അയാൾ.
അയാൾ അപായമണി മുഴക്കി; ചെറിയ ഒച്ചയോടെ
കുമിളകൾ പൊങ്ങിവന്നു  – അന്നേരംതന്നെ
ഒന്നാമൻ ചോദിച്ചു 'അവൻ മുങ്ങിപ്പോയോ?;
രണ്ടാമൻ പറഞ്ഞു: 'അവൻ മുങ്ങി'
കടലിന്നടിത്തട്ടിൽ നിന്നും മൂന്നാമൻ
നിസ്സഹായനായി അവരെ നോക്കി, മുങ്ങിപ്പോയ
മനുഷ്യർക്കു നേരെയൊരാൾ നോക്കാറുള്ള അതേനോട്ടം.

'The Third One' from Yannis Ritsos: Selected Poems

വെയിലും നിഴലും
മറ്റു കവിതകളും

സുജീഷിന്റെ ആദ്യ കവിതാസമാഹാരം. വെയിൽ, നിഴലുകൾ, യാതൊന്നും ചെയ്യാനില്ലാതെ, ശേഷം, മഴക്കാലരാത്രി തുടങ്ങി ശ്രദ്ധേയമായ 46 കവിതകൾ.

"കവി­ത­കൊ­ണ്ട് മാ­ത്രം സാ­ധ്യ­മാ­വു­ന്ന ആവി­ഷ്ക്കാ­ര­ങ്ങ­ളു­ണ്ട് എന്ന തീർ­ച്ച സു­ജീ­ഷി­ന്റെ കവി­ത­ക­ളു­ടെ ബോ­ധ­ത്തി­ന്റെ ഊർ­ജ്ജ­മാ­ണ്. കവി­ത­കൊ­ണ്ട് മാ­ത്രം തു­റ­ക്കാ­വു­ന്ന പൂ­ട്ടു­ക­ളെ അത് സധൈ­ര്യം സഗൗ­ര­വം സമീ­പി­ക്കു­ന്നു. നമ്മൾ കണ്ടു­പ­രി­ച­യി­ച്ചി­ട്ടി­ല്ലാ­ത്ത മേ­ഖ­ല­ക­ളി­ലേ­ക്ക് പട­രാ­നു­ള്ള കെൽ­പ്പും കല്പ­നാ­വൈ­ഭ­വ­വും ഈ കവി­ത­ക­ളിൽ സന്നി­ഹി­ത­മാ­ണ്. പു­തിയ മല­യാ­ള­ക­വി­ത­യിൽ പ്ര­ധാ­ന­പ്പെ­ട്ട ഒരു പു­സ്ത­ക­മാ­യി­രി­ക്കും ഇതെ­ന്ന് എനി­ക്കു­റ­പ്പു­ണ്ട്. "
— ടി. പി. വിനോദ്