Friday, 31 July 2020

നിഷേധിക്കല്‍ — ജോര്‍ജ് സെഫെരിസ്

ജോര്‍ജ് സെഫെരിസ്
ജോര്‍ജ് സെഫെരിസ്

നിഗൂഢവും പ്രാവിനെപ്പോലെ
വെളുത്തതുമായ കടലോരത്ത്
നട്ടുച്ചയ്ക്ക് നാം ദാഹിച്ചുവലഞ്ഞു;
വെള്ളം ഉപ്പുകലർന്നതായിരുന്നു.

പൊന്നിന്റെ നിറമുള്ള മണലിൽ
നമ്മൾ അവളുടെ പേരെഴുതി;
എന്നാൽ കടൽക്കാറ്റ് വീശി,
എഴുത്ത് മാഞ്ഞുപോയി.

എത്ര ഉത്സാഹത്തോടെ, സ്നേഹത്തോടെ,
ആസക്തിയോടെ, കൊതിയോടെ
ജീവിച്ചു നാം നമ്മുടെ ജീവിതം: തെറ്റായിപ്പോയി!
അങ്ങനെ, ജീവിതം നമ്മൾ മറ്റൊരുവിധമാക്കി.

ജോര്‍ജ് സെഫെരിസ് (1900-1971): ഗ്രീക്ക് കവിയും നയതന്ത്രജ്ഞനും. 1963ലെ സാഹിത്യത്തിനുള്ള നൊബേൽ സമ്മാന ജേതാവ്.1931ൽ പ്രസിദ്ധീകരിച്ച കവിതാസമാഹാരമായ Turning Point (Στροφή)-ൽ ഉൾപ്പെടുന്ന കവിതയാണിത്. 1967ൽ നിലവിലെ സർക്കാറിനെ അട്ടിമറിച്ച് വലതുപക്ഷം അധികാരത്തിലെത്തിയതിനെ തുടർന്ന് സെഫെരിസിന് നിർബന്ധിത ഏകാന്തവാസത്തിലേക്കു പോകേണ്ടിവന്നു. അദ്ദേഹത്തിന്റെ പുസ്തകങ്ങൾ നിരോധിക്കപ്പെട്ടു. 1971ൽ സെഫെരിസിന്റെ വിലാപയാത്രയിൽ ആൾക്കൂട്ടം ഈ കവിത ആലപിച്ചാണ് ഭരണകൂടത്തോടുള്ള തങ്ങളുടെ പ്രതിഷേധം രേഖപ്പെടുത്തിയത്. എഡ്മണ്ട് കീലിയുടെയും ഫിലിപ്പ് ഷറാഡിന്റെയും ഇംഗ്ലീഷ് പരിഭാഷയാണ് മലയാള പരിഭാഷക്ക് അവലംബം.

വെയിലും നിഴലും
മറ്റു കവിതകളും

സുജീഷിന്റെ ആദ്യ കവിതാസമാഹാരം. വെയിൽ, നിഴലുകൾ, യാതൊന്നും ചെയ്യാനില്ലാതെ, ശേഷം, മഴക്കാലരാത്രി തുടങ്ങി ശ്രദ്ധേയമായ 46 കവിതകൾ.

"കവി­ത­കൊ­ണ്ട് മാ­ത്രം സാ­ധ്യ­മാ­വു­ന്ന ആവി­ഷ്ക്കാ­ര­ങ്ങ­ളു­ണ്ട് എന്ന തീർ­ച്ച സു­ജീ­ഷി­ന്റെ കവി­ത­ക­ളു­ടെ ബോ­ധ­ത്തി­ന്റെ ഊർ­ജ്ജ­മാ­ണ്. കവി­ത­കൊ­ണ്ട് മാ­ത്രം തു­റ­ക്കാ­വു­ന്ന പൂ­ട്ടു­ക­ളെ അത് സധൈ­ര്യം സഗൗ­ര­വം സമീ­പി­ക്കു­ന്നു. നമ്മൾ കണ്ടു­പ­രി­ച­യി­ച്ചി­ട്ടി­ല്ലാ­ത്ത മേ­ഖ­ല­ക­ളി­ലേ­ക്ക് പട­രാ­നു­ള്ള കെൽ­പ്പും കല്പ­നാ­വൈ­ഭ­വ­വും ഈ കവി­ത­ക­ളിൽ സന്നി­ഹി­ത­മാ­ണ്. പു­തിയ മല­യാ­ള­ക­വി­ത­യിൽ പ്ര­ധാ­ന­പ്പെ­ട്ട ഒരു പു­സ്ത­ക­മാ­യി­രി­ക്കും ഇതെ­ന്ന് എനി­ക്കു­റ­പ്പു­ണ്ട്. "
— ടി. പി. വിനോദ്