Monday, 8 February 2021

മുഖങ്ങൾ — ആദം സഗായെവ്സ്‌കി

ആദം സഗായെവ്സ്‌കി
ആദം സഗായെവ്സ്‌കി

സന്ധ്യയ്ക്ക് അങ്ങാടിക്കവലയിൽ, പരിചയമില്ലാത്ത
ആളുകളുടെ തിളങ്ങുന്ന മുഖങ്ങൾ ഞാൻ കണ്ടു.
ആർത്തിയോടെ അവരുടെ മുഖത്തേക്ക്
നോക്കി: ഓരോന്നും വ്യത്യസ്തം,
എന്തോക്കെയോ പറഞ്ഞ്, വശപ്പെടുത്തി,
ചിരിച്ച്, ഉള്ളിലടക്കി ആ മുഖങ്ങൾ.

നഗരം ഉണ്ടാക്കിയിരിക്കുന്നത് വീടുകളാലോ
കവലകളാലോ നടപ്പാതകളാലോ ഉദ്യാനങ്ങളാലോ
വിപുലമായ തെരുവുകളാലോ അല്ല, മറിച്ച്
വിളക്കുകൾ പോലെ തിളങ്ങുന്ന മുഖങ്ങൾ
കൊണ്ടാണെന്നെനിക്കു തോന്നി
രാത്രി, തീപ്പൊരികളുടെ മേഘങ്ങൾക്കുള്ളിൽ
ഉരുക്കു വിളക്കിച്ചേർക്കുന്ന വെൽഡറുടെ
ടോർച്ചുകൾ പോലുള്ള മുഖങ്ങൾ കൊണ്ട്.

ആദം സഗായെവ്സ്‌കി (1945-2021): പോളിഷ് കവിയും നോവലിസ്റ്റും പരിഭാഷകനും.  

വെയിലും നിഴലും
മറ്റു കവിതകളും

സുജീഷിന്റെ ആദ്യ കവിതാസമാഹാരം. വെയിൽ, നിഴലുകൾ, യാതൊന്നും ചെയ്യാനില്ലാതെ, ശേഷം, മഴക്കാലരാത്രി തുടങ്ങി ശ്രദ്ധേയമായ 46 കവിതകൾ.

"കവി­ത­കൊ­ണ്ട് മാ­ത്രം സാ­ധ്യ­മാ­വു­ന്ന ആവി­ഷ്ക്കാ­ര­ങ്ങ­ളു­ണ്ട് എന്ന തീർ­ച്ച സു­ജീ­ഷി­ന്റെ കവി­ത­ക­ളു­ടെ ബോ­ധ­ത്തി­ന്റെ ഊർ­ജ്ജ­മാ­ണ്. കവി­ത­കൊ­ണ്ട് മാ­ത്രം തു­റ­ക്കാ­വു­ന്ന പൂ­ട്ടു­ക­ളെ അത് സധൈ­ര്യം സഗൗ­ര­വം സമീ­പി­ക്കു­ന്നു. നമ്മൾ കണ്ടു­പ­രി­ച­യി­ച്ചി­ട്ടി­ല്ലാ­ത്ത മേ­ഖ­ല­ക­ളി­ലേ­ക്ക് പട­രാ­നു­ള്ള കെൽ­പ്പും കല്പ­നാ­വൈ­ഭ­വ­വും ഈ കവി­ത­ക­ളിൽ സന്നി­ഹി­ത­മാ­ണ്. പു­തിയ മല­യാ­ള­ക­വി­ത­യിൽ പ്ര­ധാ­ന­പ്പെ­ട്ട ഒരു പു­സ്ത­ക­മാ­യി­രി­ക്കും ഇതെ­ന്ന് എനി­ക്കു­റ­പ്പു­ണ്ട്. "
— ടി. പി. വിനോദ്